మా వీధిలో ఉన్న ఒకామెతో సెక్స్‌లో పాల్గొన్నాను. ఎనిమిది నెలల తరువాత ఆమెకు హెచ్ఐవి పాజిటివ్ అని తేలింది. విషయం తెలుసుకున్న నేను మరో రెండు నెలల తరువాత పరీక్ష చేయించుకుంటే నెగెటివ్ అని వచ్చింది. ఆ తరువాత సంవత్సరం వరకు రెండు నెలలకోసారి హెచ్ఐవి టెస్ట్ చేయించుకుంటూనే ఉన్నాను. ప్రతీసారి నెగెటివ్ అనే వచ్చింది. అయితే, మా ఫ్రెండ్స్ మాత్రం హెచ్ఐవి అని తేలడానికి మూడు నుంచి ఐదు సంవత్సరాలు పడుతుందంటున్నారు. నాకు మా ఇంట్లో పెళ్లి సంబంధాలు చూస్తున్నారు. నేను పెళ్లి చేసుకోవచ్చా? లేదా?

హెచ్ఐవి ఉన్నవాళ్ళతో సెక్స్‌లో పాల్గొంటే సాధారణ టెస్టుల్లో మూడు నెలలు నిండేసరికి వ్యాధి వచ్చిందీ లేనిదీ తేలిపోతుంది. ఎక్కడో ఒకరిద్దరికి మాత్రమే ఆరు నెలల సమయం పడుతుంది. అంతేగాని మీ స్నేహితులు చెప్పినట్టు అన్ని సంవత్సరాలు పట్టదు. ఒకటి మాత్రం మీరు స్పష్టంగా తెలుసుకోవాలి. హెచ్ఐవి ఉన్నవాళ్ళతో సెక్స్‌లో పాల్గొన్నంత మాత్రాన ఆ వ్యాధి సంక్రమించాలని లేదు. మీకు అన్ని టెస్టుల్లోనూ నెగెటివ్ అని వచ్చింది కనుక మీకు ఆ జబ్బు రానట్లే. మీరు నిర్భయంగా పెళ్లి చేసుకోవచ్చు.